ليه مهم تخليني ي ماما اعيش فى العالم بتاعي حتى لو وقت صغير من يومي ..
لما تلاقيني بكلم لعبتي أو بقلد دور ماما او بابا أو بتخيل إني طبيب أو طباخ .. ماتقطعيش عليا اللحظة !
اللعب التخيلي بالنسبة ليا مش ""لعب فاضي"" .. ده وسيلة عبقرية لنموي وتطوري . ودي أهم فوائده..
١- بينمي عندي الخيال والإبداع بيعلمني أخلق عالم من خيالي زي أني أحول الصندوق لعربية والمعلقة لمايكروفون !
٢- بيطور مهاراتي الأجتماعية والعاطفية عن طريق التمثيل والأدوار بيعلمني اتعاطف . أتفاهم . واتعامل مع مشاعر حقيقة .
٣- بيعزز مهارات اللغة والتواصل لما أحكي قصة أو ألعب دور وكمان بينمي لغتي وطريقة تعبيري .
٤- بيساعدني فى فهم العالم اللى حواليا بقلد الادوار اللى بشوفها ( الأب - الأم - الدكتور - المدرس ).. وده بيساعدني أستوعب القواعد والسلوكيات المجتمعية .
٥- وسيلة للتفريغ والتعامل مع مشاعري لو متضايق أو خايف اللعب التخيلي بيخليني أعبر عن اللي جوايا من غير ما أتكلم مباشرة .
الخلاصة .. سيبي ليا مساحة أعيش فيها مع خيالي .. ده جزء كبير من نضوجي النفسي والعاطفي والأجتماعي ..