إيكولاليا؟! 🤔

سمعتي قبل كده عن طفل بيكرر الكلام اللي بتقوليه له من غير ما يجاوب؟ زي لما تسأليه: "تحب تاكل إيه؟" فيرد: "تحب تاكل إيه؟" ده اسمه إيكولاليا!

الإيكولاليا معناها تكرار كلام الآخرين، سواء في نفس اللحظة أو بعد شوية.

طيب، إمتى نقلق؟ 🤔

لو الطفل عنده أكتر من ٣ سنين ولسه بيكرر الكلام كتير، أو بيكرر بدل ما يجاوب، هنا ممكن يكون محتاج تقييم.

الإيكولاليا بتظهر في حالات زي:

* اضطراب طيف التوحد 🧠
* تأخر في اللغة 🗣️
* صعوبات في التواصل 😥

طيب، نعمل إيه؟ 🤔

* نبسّط كلامنا ونكرره بشكل مفيد.
* نسيب له وقت يفكر قبل ما نكرر السؤال.
* نشجعه يعبر بطريقته.
* نتواصل مع أخصائي تخاطب لو الموضوع مستمر.

الإيكولاليا مش دايماً حاجة وحشة، أحيانًا بتكون خطوة في طريق الطفل للتواصل! 👍

الأخصائية هاجر علاء 💗