. العند عند الاطفال🌹🌹🌹🌹

لو قدامكم طفل عنيد مطالب تتعاملوا معاه و عيط او صمم علي رأيه هتعملوا ايه ؟

الطريقة الاولي : هضربه علشان ميعملش كدة تاني 🔪

الطريقة الثانية : هشوف عاوز ايه و اعملهوله علشان يسكت 🙊

الطريقة الثالثة : هتجاهله لحد ما يبطل عياط 😴
دول طرق تعامل الي في معظم الحالات الي بنشوفها حوالينا اكيد في طرق تانية بس دول الابرز والاكثر انتشارا في التعامل مع الطفل العنيد ✋

الطريقة الاولي : الضرب و ده من الطرق الغلط الي ممكن نستخدمها في التعامل مع اي طفل سواء عنيد او لا لان الضرب بيولد العنف و هتربي طفلك انه قدام لما يكون في اي مشكلة او خطأ من حد قدامه يلجأ للضرب غير كمان زي ما بنقول بالعامية بعد مدة الطفل " هينحس " وهيفقد القدرة عن تمييز غرض ضربه لانه هيكون اتعود ❌

الطريقة التانية : اسوأ الطرق علي الاطلاق وللاسف معظم الامهات بيقعوا في الخطأ ده وهو انه يتم تلبية حاجة الطفل العنيد نتيجة لاصراره لان بكدة انتي بتكوني طفل محب لفرض السيطرة وهيلجأ دائما للعناد و البكاء لتلبية حاجاته و مع مرور الوقت ومع تقدمه في السن هيبدأ في الالحاح في الطلب زي ما بنقول كدة " الزن " في ابهي صوره. وده بس مش هيأثر في تعامله معاكي انتي بس او الاطفال حواليه لكن كمان لما بيكبر الشخص ده بيبدأ يكون غير مرغوب فيه من الي حواليه لان الالحاح صفة لا يتقبلها الكثير و زي ما دايما بنقول احنا بنزرع بذر و بنجني حصاده الي هتأثر علينا احنا والي حوالينا .❌❌❌❌❌❌

الطريقة التالتة : التجاهل :D بالطريقة المتعارف عليها الي هو اسيبه كدة لوحده " يتفلق " ده غلط لان ده هيولد جواه شعور بانه غير مهتم بيه وغير مرغوب بيه ولا بوجوده و ده هيسبب مشكلة نفسية تانية نحن في غني عنها ✋
اما التجاهل بالمعني الصحيح هو تجاهل السلبية و تجاهل ما يقوم بيه بتكوين رد فعل من ناحيتنا للطفل ده يخلينا نلهيه عن سبب عناده او الحاحه بحاجة تانية لو صغير في السن اما لو كبير بنقوم بالتفاهم معه و مناقشته لاقناعه .. 👌👌

علاج عناد الاطفال؟!!
طبعا و دائما بيكون الاساس البيت فالام والاب لازم يبقوا عارفين ان طفلهم مش مولود عنيد لكن طريقة التربية و البيئة الي حواليه هي الي جعلته يصبح عنيد و في كثر من الاحوال بيبقي العناد بسبب ان الطفل متأثر بالكبار الي حواليه فعلشان كدة لازم دائما الاعلاج بيبدأ من جهة البيت و الاسرة 👪👪
1- عدم تأجيل الحوار بمعني ان لما يحصل موقف ويعند فيه الطفل بنقوم بالتحدث معه و مناقشته في وقتها لان تأجيل الكلام لوقت تاني بيحسس الطفل انه الحوار انتهي بدون وجه حق وان رأيه مش مهم و غير معترف بيه ❌

2- تخصيص وقت للطفل للاستماع : زي مثلا لما يرجع من المدرسة نقعد نسمع ايه الي حصل في يومه وايه ضايقه وايه الي عمله و هكذا ده هيولد جوة الطفل احساس ان فيه اهتمام مهتم به و بمشاكله و حياته اما لو طفل صغير فلما يكون جاي يتكلم معانا حتي لو كلام غير مفهوم نقعد نسمعه علشان لو مسمعناهوش هيلجأ للعند علشان يشد انتباه الي حواليه ..👌👏

3- تجنب التدليل الزائد و القسوة الزائدة : لانهم بيولدوا طفل عنيد جدا و غير متفهم و زي ما قولنا كمان قبل كدة ان التدليل والاستجابة الدائمة لطلبات الطفل العنيد بتحول الطفل من العناد المستحب الي العناد المكروه ❌

4- الابتعاد عن ذم طفلك امام الاخرين او امام نفسه ولا تناديه بالعنيد او باي صفة مكروهة و طبعا عدم استخدام الشتائم لان زي ما قولنا قبل كدة ان الطفل بيقلد الي حواليه فده هيعلمه سلوكيات تانية سيئة جدا ❌❌🚨

5- عدم اجبار طفلك علي الطاعة والاستجابة : اتبعي معاه سياسة المناقشة و الحوار والاقناع ولا تجبريه ولو بردو رفض الي انتم عاوزينه بتسأليه عن اسباب رفضه و تتكلمي معاه براحة + الطرق الاربعة الي فوق وتقنعيه بحب ❤❤✔

6- في بعض الحالات بيكون مبرر الطفل الي قدامك انه رافض انه يعمل الشيء لانه مشغول و ده بيبقي فيه تشبه بالكبار ولانه بيبقي شايف نفسه من حقه انه يكون وراه حاجات عاوز يعملها او بيقلد الكبار فلو كان الامر المطلوب منه ليس بشديد الاهمية منجبرش الطفل علي القيام به بل نترك له مساحته وحقه من الحرية و الثقة بالنفس💪💪
او فيه حالات رفض النوم المبكر ممكن نقوم بظبط منبه ( قبل معاد النوم بربع ساعة او نص مثلا ) و نقول للطفل انه لو انهي كل واجباته او المطلوب منه لما المنبه يرن هيكون له وقت للعب قبل النوم ولكن لو مخلصش الي وراه فالوقت الي كان مخصص للعب ده هيبقي مخصص لانه يخلص الي وراه و ينام ⏰⏰

7- عدم فعل شيء يستطيع الطفل عمله بنفسه : كان من الاسباب الي اتكلمنا فيها المرة الي فاتت وهو الاحساس بالعجز فالطفل بيلجأ للعناد اول ما بيحس انه عاجز انه يعمل الشيء الي قدامه فعلشان كدة غير مستحب اننا نقوم بدور الطفل بالعكس ده نخليه يعمل الي يقدر عليه لان ده هيولد جواه الثقة بالنفس وشعوره بالذات 💪💪✔

8- التوجيه بالقصة وخاصة في السن الصغير : بيكون عن طريق بنجلس مع الطفل ونحكيله قصة بتدور حوالين صفة العناد وانها وحشة قد ايه و نحكي مواقف جوة القصة و نشارك الطفل و نقوله ينفع الي هو عمله ولا لا والمفروض يعمل ايه و هكذا بطريقة مسلية و لطيفة تخلي الطفل يتعلم بدون حوتر مباشر علي كونه عنيد 👀👀✔

9- السماح للطفل بالاختيار و الاخذ برأيه : مثل عند الخروج السماح للطفل باختيار ملابسه او ما يريد فعله والاخذ برأيه عند الشراء و هكذا.. 👌✔

10- التركيز في الردود الكلامية للاب والام فمثلا إن كانت ردودهم تحمل " لا " فسوف يقوم الطفل بتقليدهم و تكرارها ❌
11- عدم التمييز بين الاخوات لان ده هيخلي الطفل يعند و لو بالغلط ليجذب الانتباه 🚫

12- لو عناد الطفل تحول الي اضطراب سلوكي و عنف فيجب التوجهه لمتخصص لمعرفة الطريقة الامثل للتعامل معه وانقاذه💡💡
كل الي قولته ده بعض من الطرق لعلاج الطفل العنيد فيه طرق اكثر بكثييير 😀😀

لكن الاكيد ان لازم الي بيتعامل مع اي طفل و خاصة الطفل العنيد ان يتسم بضبط النفس و الصبر والثقة فالتربية تحتاج لمهود فنحن نبني جيل مثل بناء عمارة مينفعش نبنيها كلها في يوم واحد لازم نهتم بالقواعد والاساس ونبدأ نبني دور دور فيجب علي الوالدين التحلي بالصبر وعدم الاستعجال في الحصول علي تغيير و ضبط النفس و عدم فقدان السيطرة في الكلام او التصرفات✌👌
و الاكيد بردو ان مفيش طفل بيتولد بصفة غير محبوب فيها لكن طريقة التربية و التعامل هي الي بتشكل الطفل ده فنتوخي الحذر في التعامل مع وامام اطفالنا ✋😀