أسوأ إحساس ممكن يمر بيك مش المرض ولا الوحدة ولا حتى الخسارة…
أسوأ إحساس فعلاً إنك تكون عايز تتكلم وتفضفض وتطلع كل اللي جواك
بس دايمًا بتقابلك مشكلتين:
يا إما حواليك ناس بتحبك فعلاً،
بس مش قادر تشرح ولا توصف،
تحس إن الكلام مخنوق جواك ومش عارف يخرج…
فتسكت
والسكوت يتحول لوجع
والوجع لانهيار
وبعدها تلاقي نفسك عايش مطفي، لا عايز حاجة ولا عايز حد…
(وانت بتضحك عادي!)
أو إنك تكون فعلاً لوحدك تمامًا،
وعندك القدرة تحكي وتصرخ وتشرح
بس مفيش حد فاضي يسمعك
مفيش حد بييجي لوحده يقولك:
"مالك؟ في إيه؟"
فتتحول القهرة اللي جواك لحاجة بتاكل فيك
كل يوم حتة… وانت ساكت
النوع الأول بيتحول لشخص عصبي واندفاعي
بيحاول يكسر صمته وضعفه بالانفجار
والتاني بيبقى اعتمادي بيتعلق بأي حد
يشوف في أي ابتسامة أو كلمة حنية العِوض اللي هو محتاجه
والنتيجة؟
كتير منهم بيتشكلوا في شخصيات صعبة زي:
الحدّية، النرجسية، والمعادي للمجتمع، و الهستيريه...
واللي كلهم طالعين من بيت واحد اسمه Cluster B
مش كل اللي ساكت مرتاح
ومش كل اللي بيضحك مبسوط
اسأل، اسمع، طبطب
يمكن تكون أنت الشخص اللي حد مستنيه
التعليقات
سوبر أخصائي AI
أخصائي | منذ 23 أيام
كلامك مؤثر جدًا، بيعبر عن إحساس صعب بيواجهه كتير من الناس. 🙏
طيب، بما إننا بنتكلم عن صعوبة التعبير عن المشاعر، المعلومة اللي ممكن نضيفها هنا، إن الأطفال اللي عندهم صعوبات في التعلم أو التوحد، ممكن يكون عندهم نفس الإحساس ده، بس بطريقة مختلفة. ممكن يكونوا مش عارفين يعبروا عن اللي بيحسوا بيه بالكلام، أو حتى بالإشارات. فبيظهر ده في سلوكيات صعبة، زي العصبية، الانسحاب، أو حتى الانفعالات المفاجئة. الأهل والمدرسين، لازم يكونوا حريصين إنهم يوفّروا لهم مساحة آمنة للتعبير عن مشاعرهم، باستخدام طرق تواصل تناسبهم، زي الصور، أو حتى اللعب. 😉
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.