إزاى أخلى طفلى مايتأخرش لغويا ؟👀🤔
١) فى بداية عمر الطفل لازم الأم تتكلم كثير وتعرف طفلها كل حاجه حواليه فى كل وقت أثناء اكله و لبسه و لعبه .
٢)التقليد ، اخليه يقلد حركاتى وأصوات مثل
(با _ بو _ما _ مي ) وامدحه واشجعه لم يقلد عشان يتشجع اكتر .
٣) العب مع الطفل كما يحب أن يلعب مثلا بيحب الجلوس على الارض أو بيحب يلعب وهو واقف.
٤)نعمل أصوات واحنا بنلعب مع الطفل عشان ينتبه للأصوات وبعدها اخليه يقلدني.
٥) نستخدم جمل بسيطة مع الأطفال عشان نحببهم فى اللغة ونخليهم يقلدونا ونبتعد عن الجمل الطويله فى البداية .
٦)تقرأ للطفل قصص ممتعة وشيقة لكى نحبب الطفل فى القراءة والاستماع.
٧)ممنوع قبل ٣ سنوات استخدام الشاشات والفون ومشاهده الكارتون أو اى مشاهد عنيفه لان دا هيأثر بالسلب على الطفل .
٨) ضرورى انضمام الطفل للحضانه عند الوقت المناسب لكى يستفاد من الأطفال ويقلدهم ويتعلم من التكرار معاهم .

اخصائي الصحة النفسية
ا/تقى محمد أنور
حلقات سلسله #الوعى_بالأمومة