"بنتى عندها خمس سنين من ساعة ما جبت أخوها الصغير وبقت بتتكلم زى البيبى وبتطلب لبن بالبرونه وتعيط 🍼😭"
👀أيوه طبعاا ده شئ وارد إنه يحصل دى بتكون غيره شديدة عندها وده بيرجع غالبا اسبابها ل..

✔الخوف من فقدان الحب والاهتمام
يعنى الطفل بيشوف ان كل الاهتمام بقا رايح للمولود الجديد من حيث (رعايه/حضن/رضاعة/كلام )فبيخاف ان ابوه وامه ميحبهوش زى زمان.

✔تغير الروتين
يعنى لو حصل تغير حتى لو فى (النوم /الاكل/اللعب )بسبب المولود الجديد بيخلى الطفل يحس بعدم الأمان

✔عدم الفهم الكامل للوضع
معناه ايه الكلام ده انه مش بيقدر يفهم ليه المولود الجديد بياخد وقتهم واهتمام كبير لانه لسه طفل مش مدرك ليه
فممكن يفسر ده على إنهم مش بيحبوه زى الاول زى ما قولت او ان المولود ده "خطفهم "منه

✔المقارنه
هو فيه مقارنة بين الطفل والبيبى ده البيبى حتى مش بيعرف يتكلم ولسه صغير ازاى 🤔
أحيانا الاهل من غير قصد بيقولوا حاجات زى بص البيبى بيعمل ايه ويضحكو للبيبى ويقوله "شطور"ده بيخلى الطفل يحس انه مش مرغوب فيه او ان بقا فى خصم ليه ولازم ينافسه و ياخد الإهتمام ده لوحده زى الأول

✔المسئوليات المفروضة عليه فجأة
ده ازاى مش فاهمه بردو بعض الأهالى بيقعدوا يقولوا للطفل "انت دلوقتى الكبير العاقل ده لسه صغنن" مش دى بردو من الحاجات اللي الاهل بيقولوها ودى بردو من الأسباب إللى بتحط الطفل تحت ضغط وهو لسه بردو طفل صغير يعنى ضغط عليه وهو سنه لسه صغير

طب هتعامل مع الغيرة دى ازاى 👇

✅اهتمام خاص بالطفل الكبير
يعنى خصص وقت يومى حتى لو مدة قليلة ربع ساعه مثلا تقعدوا لوحدكم بدون البيبى سميه زى ما تحب زى مثلا "وقت ماما ونور عيونها/ماما وحبيب قلبها "يعنى هو كمان يكون عارف إن ده وقته لوحده وأنكم بتفتكروه ومهتمين بيه

✅اشراك الطفل فى رعاية اخوه "المولود"
ده ليه لأن دى طريقة إيجابية هتساعدك تقولى من شعوره بالغيرة ناحيه "البيبى"وعلشان يعرف ان ده نونو صغير مش بيعرف يعمل حاجه لوحده علشان كده بنساعده سوا يعنى مثلا تخليه (يجبلك الحفاضه/يختار لبس البيبى )وانتى بقا بدورك بعدها تديلوا معزز سواء معنوى أو مادى
يعنى ايه معزز معنوى او مادى بردو مش فاهمه هقولك يعنى ايه
👈معزز معنوى يعنى اقوله كلمه حلوه دعم ايجابى امدحه مثلا اقوله "انت عارف ان البيبى محظوظ انه عند أخ أو اخت كبيره وحنينه زيك وابوسه من خده مثلا "
👈معزز مادى اديلوا مثلا شكولاته هو بيحبها زى مكافأة يعنى ودعم علشان هو عمل سلوك كويس

✅تجنب المقارنة
يعنى نبطل الكلمة إللى زى إللى اللبانه على اللسان دايما إللى هى بص شوف البيبى بيعمل ايه وانت لأ

✅تقبل مشاعره من غير سخرية وتوبيخ
لأن زى ما قولت هو طفل ومش مدرك حاجه وليه
يعنى لو قالك مثلا (انا مش بحبه او بكره وممكن يحاول يضربه )وده وارد اننا نسمعه او نشوفه واجب علينا اننا نحتويه بالعاطفه والحنان ونعرفه ان كل الكلام ده غلط ونعرفه اننا بنحبه هو واخوه "البيبى"

✅اعمل توازن فى الإنتباه
زى مثلا لما اشترى حاجه للمولود اجيب حاجه للكبير علشان ميحسش انه مهمش او محدش بيفتكره

✅اعلمه يعبر عن مشاعره بالكلام
ميقعدش يعيط ويغير من البيبى لا أعلمه يقولى يا ماما كذا...

✅تجاهل السلوك السلبى وتهميشه
يعنى بدون ما ازعق واصرخ اتجاهل الغلط وامدحه واهتم بيه لما يعمل حاجه حلوه يعنى تعززى الايجابى

✅اشراكه أوقات مناغاتك ولعبك مع البيبى
يعنى اعوده يقعد ويهزر ويحب البيبى ويشيله ويلعب معاه وانت هو كده أخ جميل وطيب