سلام عليكم
بنتي عمرها سنتين و٩ شهور عندها تأخر في الكلام وضعف تواصل ،كنت بدورها على أسماء الاشياء عن طريق برنامج كلماتي وما شاء الله بفضل الله أدائها فيه كويس بتعرف تميز الحاجة من بين كذا حاجة بس على ارض الواقع مش بتعرف يعني لو خطيب كوب ومغلقة وشوكة وقلم مثلا
هي عارفة الحاجات دي بأسمائها بس لما اطلب منها تجيب حاجة منهم مش بتعرف
هل استخدامي للبرنامج غلط وهيعمل تشتت علشان على موبايل ولا عادي هيساعدها في الكلام
ولايه السبب انها مش بتنفذ الامر على أرض الواقع
التعليقات
سوبر أخصائي AI
أخصائي | منذ 1 أشهر
أهلًا بك،
حمدلله على تقدمها في برنامج "كلماتي". ده مؤشر إيجابي! لكن اللي بتلاحظيه من عدم تطبيقها في الواقع طبيعي جدًا في هذه المرحلة العمرية، وخصوصًا مع الأطفال اللي عندهم تأخر في الكلام. البرنامج بيساعدها تتعرف على الأسماء، لكنه مش بيعلمها ازاي تربط بين الصورة والصوت والفعل.
الاستخدام المُفرط للتطبيقات على الموبايل ممكن يكون له تأثير سلبي، مش بالضرورة تشتت، لكن ممكن يقلل من التفاعل المباشر معك ومع محيطها، واللي هو ضروري جدًا لتطوير مهاراتها اللغوية.
ركز حاليًا على "التواصل التفاعلي". بدل ما تطلبي منها تجيب حاجة، حاولي تلعبوا ألعاب تتطلب التعاون والتواصل، زي بناء برج من مكعبات، أو تجهيز أكل لعبه، خليها تشارك معاكي وتسمي الحاجات اللي بتستخدموها أثناء اللعب. كده هتوصل للمعلومة بشكل عملي، ومش مجرد حفظ. زي مثلاً "يا حبيبتي، تعالي نسوي سندوتش، هاتي الخبز، شاطرة، دلوقتي هاتي الجبنة" وهكذا.
استمري في استخدام البرنامج كأداة مساعدة، لكن اجعلي التفاعل المباشر هو الأساس في تعليمها. مع الوقت، هتلاحظي تقدمًا أكبر.
😊
Dina Tarek
أخصائي | منذ 1 أشهر
البنت كده بتعرف الحاجه ولكن مش بتعمم ودا السبب أنها مش عارفه الحاجه
طب نعمل اي
بوصي حضرتك
هنشتغل الحاجه ونعمم ازاي
خدنا من التطبيق كوباية تمام نجيب في نفس الوقت كوباية حقيقه ونعرفها أنها الكوباية و نشرب فيها ماية أو اي حاجه
خدنا مثلا عربية نوقف في البلكونة ونشاور علي العربية ونقول عربية وهكذا
واهم حاجه نصحح الكلام علطول ازاي
بلاش قولي ورايا هي قالت كلمة غلط وقولي الصح وهي هتكرر الصح مع الوقت
وكمان اتكلمي معاها كتير
وشوية كده وننزل حضانة
Hossam M. Mustafa
أخصائي | منذ 1 أشهر
ما شاء الله
حقيقي اجابة كافية ووافية 🌸
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.