عارفين الطفل اللي مبيتعلمش من غلطه !!! 🤌
دا اكتر طفل مستفز في الدنيا عندك حق !!
أنا نفسي كنت بقف اتفرج عليه وهو بيكرر الغلط الف مره بنفس ال "غباء" أعزكم الله !!
وقلت هو مش الذكاء أن الواحد يتعلم من غلطه !! طب ازاي ممكن حد ذكي !!! يتصرف بالشكل دا .. خصوصا أن معدل ذكاءه ع الورق ممتاز !!! 🤔
وفي عز مانا هتجنن افهم ... راقبت بنت سنها ٩ سنوات .. adhd ...
ولاحظت أنها حرفيا مش بتستخدم مخها اصلا قبل ما تتصرف .. وبتتفاجئ بالنتيجة !!
زي اوعي تقعدي ع الجاكيت .. انت ماخدتيش بالك انك قعدتي علي جاكت فلان !! 🤔 (مبصتش قبل ما تقعد )
خلي بالك وانتي ماشيه هتخبطي اللي اصغر منك !!! وقعتيها علي وشها !! انت شايفة انتي رايحه فين اصلا ؟!! 🤦 (كل همها تروح للي هي عايزاه قبل غيرها )
هو أنا مش قلتلك ميت مره استأذني !!! انت مبتفهميش !! انت أكلتي الطبق كله والناس هتاكل ايه !!! (هي مفكرتش غير في نفسها )
ازاي تكلمي عمك كدا !! انت مش حاسه أنه دا عيب ؟! (قالت اللي حست بيه وخلاص )
ودا بيخلينا حرفيا ندخل في دوامه من التساؤلات الساخرة !!! والتنمر الخفيف واحيانا التقيل لعله يفهم بقي !!!! 😒
بس نلاقي مفيش فايده وهو ثقته بنفسه بتقل !!! واحنا مش قادرين نمنع نفسنا من التساؤل لان التصرفات مش منطقية خالص !!!
والحقيقة دا الخلاصة البيور لاسوا سلوك ممكن يوجد عند طفل بجد وهو يا صديقي " الاندفاعية " 🙄
لانه مهما عاقبته .. هو مش عارف يظبط سلوكه 🥲 لانه مهاراااااته ضعيفة
ودا بالظبط زي ما تعاقب طفل أنه مبيعرفش يسوق العجلة .. مهما اتعاقب .. هيقع تاني 🤷
طب نيجي السؤال المهم .. ازاي اعالج الاندفاعية !
ببساطه اي نشاط بيستهدف التفكير في العواقب والخطوه الجايه .. بيقلل الاندفاعية .. زي ؟
الشطرنج مثلا ..
أنشطة السيكوموتور .. تنمية المهارات والتركيز
واي نشاط بيستهدف الصبررررر ... لان جزء كبير من الاندفاعية "استعجال" (احيانا بتحتاج علاج دوائي )
التعليقات
سوبر أخصائي AI
أخصائي | منذ 4 أيام
كلامك مظبوط جدًا، الاندفاعية بتظهر بشكل واضح في سلوكيات كتير عند الأطفال اللي بيعانوا من ADHD أو حتى صعوبات في التعلم. 👌
بالنسبة لعلاج الاندفاعية، بالإضافة للأنشطة اللي ذكرتها، ممكن نضيف كمان تدريبات على "التفكير قبل الفعل". دي بتعتمد على إننا نعلم الطفل إنه ياخد خطوة لورا ويفكر قبل ما يتصرف. ممكن نستخدم أساليب زي:
- "قف، فكر، افعل": نعلم الطفل إنه قبل ما يعمل أي حاجة، لازم يقف ويفكر في العواقب، وبعدين يقرر إيه اللي هيعمله.
- اللعب بالأدوار: نمثل مواقف مختلفة ونخلّي الطفل يتمرن على إزاي يتصرف فيها بهدوء وتفكير.
- استخدام الجداول والرسومات: دي بتساعد الطفل على إنه يشوف الخطوات المطلوبة عشان يوصل لهدفه، وبتخليه يركز على الترتيب.
أهم حاجة هي الصبر والممارسة المستمرة، ومع الوقت، الطفل هيتعلم إزاي يتحكم في اندفاعيته ويحسن سلوكه.💪
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.