"آخر جيم خلاص مره واحده بس كمان وهشيل اللعبه وبيستمر"
"لا هقعد شويه صغيرين اسمع التلفزيون وهنام على طول هو الكرتون ده بس قرب يخلص"
"انا عايزة أكل مش جايلى نوم وجعان"
"مش هنام لسه بدرى متخافيش والله هقوم بسرعه لما تصحينى بس سبينى شوية"

دى كلها مواقف فى كل البيوت بنواجها من الأطفال أثناء معاد النوم وبيرفضوا وبيتحججوا كتير .👆
والنتيجه الأم بتنفعل وامهاات وبتسكت لانهاا تعبت ومبتبقااش عارفه تتعامل ازاى 🤷‍♀️

غالبا بتكون أطفال غير منظمة .
طب مين هما الاطفال الغير منظمة دول؟؟🤔
هما الاطفال اللى بيواجهوا صعوبة فى تنظيم سلوكهم وروتينهم اليومى حتى.

هل هناك فعلا أطفال غير منظمة؟؟ ولا إللى احنا شايفينه ده شقاوة عادية يمكن تعديلها بسهولة؟؟
ازاى تعرف ان الطفل ده محتاج تعديل سلوكى وليس مجرد شقاوة طبيعية؟؟
👈نعم / يعنى تقدر تقول هما متعلموش مهارة التنظيم مثلا.

طب تعرف ازاى إذا كان محتاج تعديل ولا لأ 🤔
لو وجهتى الطفل بالتعليمات واستجاب بسرعة ومستمرش بالعناد والرفض دى شقاوة عادية
لكن لو استمر بالرفض والعناد برغم محاولاتك وهو مصمم على رأيه.

طب هو ده ليه آثار أو مشاكل ممكن تواجه الطفل؟
ايوه طبعاا 🤷‍♀️

✅صعوبة فى النوم "مش منظم".
✅فرط حركه .
✅صعوبة فى الانتقال من نشاط لآخر "عشوائي ومش بيعرف ينجز مهامه".
✅نوبات غضب "اتعود بقاا على عدم النظام فصعب يتبع الاوامر".
✅صعوبه فى اتباع التعليمات أو الروتين.

معاناة الأهل معاهم👇

✅ارهاق جسدى ونفسى " بسبب انفعالهم"
✅توتر العلاقه بين الأب والأم "الاب سيبهم شويه والأم رافضه"
✅احيانا مشاكل فى المدرسه المعلمين بيرفضوا يتعاملوا مع الطفل لانه بيجى مش نايم كويس
مش مركز متعلمش النظام بيقاطع المعلم فى اى وقت بيتكلم كتير مش بينجز مهامه

طب هعمل ايه علشان يتعدل السلوك ده🤔
✅حددى معاد النوم .
✅الثبات على الموقف يعنى وقت النوم مفهوش تفاوض ولا حجج كله مرفوض.
✅تعزيز ايجابى كل ما يستجيبوا تقوليله انا فخوره بيك أو انت ولد شاطر.

✅متستخدموش العقاب البدني أبدا .
✅استخدموا جدول سلوكى بصرى يعنى لوحه وبترسمى الروتين برسومات وكل إنجاز تعملى علامه ليه صور علشان الكلام احيانا والتعليمات الطفل مش بيستوعبهاا بالتسلسلل لكن لما تعمليلوا ملصقات زى مثلا الصور إللى بتشوفيهاا بتعلم الطفل قبل وبعد الأكل امتى يغسل ايده هو ممكن ميفهمش الكلام بس من الصور هيفهم بعد كذا الدور على النشاط كذا أو الروتين كذا يتعمل .

✅تهميش السلوك السلبى يعنى بيعيط وبيزن سبيه يزن هو بيعمل كده علشان تنفعلى وتتنازلى تجاهلى
كانك مش سمعاه وخليكى على نفس الموقف .
✅جملة ثابتة كل يوم زى "دلوقتى وقت النوم تصبح على خير "