ساعات من كتر ما بنحب أولادنا ونهتم بيهم وبنرغب في إننا نربيهم تربية إيجابية
بنحيطهم بإيجابية سامة

يعني بنقوله متزعلش
ما تعيطش
خليك قوي
ما تكبرش الموضوع
كل حاجة هتبقى تمام

نفتكر إننا كده بندعّمه
بس الحقيقة إننا ساعات بنلغيه

الطفل اللي يسمع طول الوقت إن مشاعره لازم تكون كويسة
هيبدأ يخبّي
يمثل
يتكسف من حزنه
ويتظاهر بالضحك وهو جواه عكس كده

ومع الوقت
بيفقد الثقة في مشاعره
وبيشك في نفسه
وبيفتكر إن الزعل غلط
وإن الغضب ضعف
وإن البكاء عيب

في فرق كبير بين التشجيع والضغط
الطفل محتاج يسمع
أنا شايف إنك زعلان
أنا معاك
مش لازم تضحك دلوقتي
خد وقتك
أنا هنا

الطفل اللي بنسمح له يعيش كل مشاعره
هيكبر متصالح مع نفسه
فاهم إن الحزن مش دائم
لكن كمان مش ممنوع

الإيجابية مش معناها نضحك طول الوقت
الإيجابية الحقيقية هي إننا نعلّم الطفل إزاي يتعامل مع يومه
بمشاعره كلها
مش نختار له اللي يُرضينا
ونرفض اللي يخوفنا

مشاعره كلها مهمة
الفرح
الحزن
الملل
الغضب
الغيرة
كلها بتعلمه
وبتبني شخصيته
وبتخليه يعرف نفسه

لو فعلاً عايزين نربي طفل سوي
لازم نسيبه يعيط
ونسمعه وهو زعلان
ونحضنه من غير ما نقوله يهدى بسرعة
ونطمنه من غير ما نطلب منه يبتسم