🚨 الالتهاب السحائي عند الأطفال: القاتل الصامت وتأثيره على التعلم والسلوك

✍️ جهاد مرزوق

👶 الالتهاب السحائي أو "التهاب الأغشية السحائية" من أخطر الأمراض اللي ممكن تصيب أطفالنا.

💥اللي بيخوف فيه إنه ساعات بيبدأ بأعراض بسيطة زي البرد أو الإنفلونزا، وفجأة يقلب لحالة خطيرة جدًا تهدد حياة الطفل.

💥وحتى بعد العلاج، ممكن يسيب أثر طويل المدى على سلوك وتعلم الطفل.

🔎 يعني إيه الالتهاب السحائي؟

الالتهاب السحائي هو التهاب في الأغشية اللي بتحيط المخ والحبل الشوكي.

الأسباب:

✅بكتيريا (وده أخطر نوع).

✅فيروسات (أخف غالبًا).

✅نادر: فطريات أو بعض الأدوية.

👦 مين الأطفال الأكثر عرضة؟

✅أي طفل ممكن يتصاب.

✅الأطفال الرضع 👶.

✅اللي في الحضانات والمدارس.

✅الأطفال ضعاف المناعة أو من ذوي الهمم (خصوصًا اللي عندهم مشاكل عصبية أو أجهزة صناعية زي الشنت).

⚠️ الأعراض اللي لازم تخليكي تقلقي

سخونية عالية 🔥.

صداع شديد.

قيء متكرر 🤮.

تيبّس في الرقبة (مش قادر يحركها).

حساسية من النور 💡.

خمول أو تشنجات.

عند الرضع:

انتفاخ اليافوخ.

رفض الرضاعة.

صراخ عالي غير طبيعي.

🏥 المضاعفات لو اتأخرنا

لو الالتهاب السحائي البكتيري ما اتعالجش بسرعة ممكن يعمل:

تشنجات مزمنة.

تأخر ذهني أو سمعي.

استسقاء دماغي.

لا قدر الله وفاة.

💉 التشخيص والعلاج

دخول مستشفى فورًا.

التشخيص عن طريق البزل القطني وتحليل السائل النخاعي.

العلاج:

مضادات حيوية قوية بالوريد (لو السبب بكتيري).

علاج للأعراض: سوائل، أدوية حرارة، أدوية للتشنجات.

🛡️ الوقاية

التطعيمات (الالتهاب السحائي A و C و W135 و Y وكمان المستدمية النزلية Hib).

غسل الإيدين 🧼.

تهوية كويسة في المدارس والحضانات.

عزل أي حالة مصابة علشان ماينتشرش المرض.

🧠 طيب بعد الشفاء.. ليه نتابع الطفل كويس؟

الالتهاب السحائي مش بس مرض بيعدي وخلاص، لكنه أحيانًا بيسيب آثار طويلة المدى على المخ.
وده بيبان في:

✅تشتت الانتباه وصعوبة التركيز.

✅فرط الحركة (Hyperactivity).

✅صعوبات التعلم (قراءة – كتابة – حساب).

✅ضعف الذاكرة قصيرة المدى.

✅تأخر لغوي أو صعوبة في التعبير.

✅ضعف السمع (وده يزيد صعوبات التعلم).

👩‍🏫 دورنا كأخصائيين تربية خاصة:

✅تقييم شامل للقدرات بعد التعافي.

✅برامج تعديل سلوك للسيطرة على فرط الحركة والاندفاعية.

✅أنشطة تقوي الانتباه والذاكرة (بازل، ألعاب تسلسل أحداث، تمارين تركيز).

✅وضع خطط تعليم فردية (IEP) تناسب قدراته.

✅تعاون مع الأهل والمدرسة لتهيئة بيئة مناسبة (تقليل المشتتات – تقسيم المهام – تعزيز إيجابي).

✅جلسات تخاطب لو في صعوبات لغوية.

✅متابعة طبية للكشف بدري عن أي ضعف سمع أو مشكلات عصبية.

📌 الخلاصة:

الالتهاب السحائي حالة طبية خطيرة لازم تتلحق بسرعة.

التطعيمات 👶🛡️ أهم وسيلة وقاية.

حتى بعد الشفاء، لازم نتابع الطفل كويس لأن فيه احتمال يظهر عنده تشتت، فرط حركة أو صعوبات تعلم.

دورنا كأخصائيين وأهالي إننا نساعد الطفل يعيش حياة طبيعية ويستغل أقصى قدراته.