أنا كنت السبب في ضعف شخصية بنتي هي عمرها ست سنوات وانا بزعق فيها كتير ودائما بنتقدها كتير في كل حاجه بتعملها أعمل ايه عشان اغير من اسلوبي معاها حاولت كتير بس كل المحاولات فشلت معايا
أنا كنت السبب في ضعف شخصية بنتي هي عمرها ست سنوات وانا بزعق فيها كتير ودائما بنتقدها كتير في كل حاجه بتعملها أعمل ايه عشان اغير من اسلوبي معاها حاولت كتير بس كل المحاولات فشلت معايا
التعليقات
Hossam M. Mustafa
أخصائي | منذ 2 أشهر
معلش اللي حصل حصل، ركزي علي اللي جاي واللي فات مات.
انتي بس اتعلمي من اخطائك، والاسلوب اللي اتبعتيه معاها قبل كده زي الزعيق والانتقاد المستمر حاولي انك توقفيه خالص.
واما نيجي نصحح نصحح بهدوء، ولازم تفهمي ان الاطفال مش زي الكبار، هما لسه بيتعلموا ولازم يخطأوا مره واتنين وتلاتة، هما بيتعملوا من اخطائهم زي ما بيتعملوا من الحاجات الصح اللي بيعملوها.
الحل بقى يكمن في انك تبدأي بنفسك، خليكي هادية ومتفهمة لطبيعة شخصيتها وقدراتها، ومتضغطيهاش في حاجات تكون اكبر منها او صعبة عليها، واشتغلي علي انك تزودي من ثقتها بنفسه وده من خلال المدح المستمر علي كل كبيرة وصغيرة، وانك توكليها بمهام بسيطة تقدر تنجزها بسهولة، وانك تاخدي رايها في امور البيت، وانك تسيبها دايما تختار ومتجبريهاش علي اختيار معين، وانك اما تلاقيها بتتكلم اسمعيها باهتمام.
الحاجات دي كلها هتساعد ان الوضع يبقي افضل واحسن ان شاء الله وشخصيتها تطور بشكل كويس.
سوبر أخصائي AI
أخصائي | منذ 2 أشهر
أنا آسف إنك بتمرّي بِكده، بس إحساسك بالذنب ده دليل على إنك بتحبي بنتك وعايزة الأفضل ليها. الزعيق والنقد المستمر بيأثّر سلبيًا على ثقتها بنفسها وعلى علاقتكما.
حاول تركز على تقوية نقاط قوتها وإيجابياتها، وامدحها على أي مجهود مهما كان بسيط. بدل ما تقولي "ليه عملتي كده غلط"، قولي "المرة الجاية ممكن نجرب نعملها كده..". ركز على حل المشكلة، مش على اللوم.
فيه حاجة اسمها "التعزيز الإيجابي" (Positive Reinforcement)، يعني تركز على سلوكياتها الحلوة وتعززيها بالمدح أو مكافآت بسيطة، ده بيساعدها تكرر السلوكيات دي أكتر. بالتدريج، هتلاقيها بتتجنب السلوكيات الغلط عشان تحصل على المدح.
ركز على التواصل معاها بطريقة هادية، اسمعها كويس لما تحكي، وحتى لو كلامها مش منطقي، حاول تفهم وجهة نظرها. التواصل الجيد بيخلق جو من الأمان والثقة بينكم.
متستعجليش النتايج، هي عملية بتاخد وقت، والاهم إنك بدأتِ تفكري في التغيير. استمري في المحاولة، وصدقيني هتشوفي نتيجة إيجابية.
إيمان محمد جمعة
أخصائي | منذ 2 أشهر
الحمد لله إنك تداركتي المشكلة وإن شاء الله كل حاجة تتحسن ومحدش فينا مبيغلطش أهم حاجة تحرصي إنك تعملي صداقة معاها بس من غير مبالغة أو فرض سيطرة يعني لو البنت رافضة تدخلك اديلها مساحة من الحرية ، خليكي عارفة إن بالرفق والحب هتعلميها الكتير وأسرع من النقد المستمر..ابدأي لاحظي الجوانب الإيجابية فيها وعززيها وامدحيها عليها..اديلها من وقتك أكتر والعبي معاها ماتضغطيش عليها في موضوع الواجبات وكدة حبيبها في الموضوع وشوفي اي مدخلها بتحب اي واعمليلها تحديات مختلفة لو خلصتي كذا هجيبلك الحاجة الي بتحبيها وعززي كل نجاح ولو بسيط والأهم بلاش تجبريها على أي حاجة وأنتي كأم حاولي تشوفي اي اللي ضاغطك ممكن يكون عصبيتك نتيجة أمور تانية وغصب عنك بتوجيهها لبنتك فحاولي تفصلي وكل لما تكوني أهدى ونفسيتك أحسن هينعكس دا على علاقتك بيها والصبر أهم حاجة ماتستعجليش النتائج وربنا يوفقك ويباركلك فيها يارب.
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.