لو طفلك جيه يعيط وبيشتكي ان زميله ضربه هتتصرفي ازاي؟💁‍♀️
الام: اضربه زى ما ضربك واوعي تسيب حقك 😡
يا ماما اهدي دول اطفاااال🙂
بصي يا ست الكل ورقه وقلم وركزي معايا : لما يحصل كده بجيب طفلي اللي وقع عليه الضرب وافهمه ان التصرف ده اكيد غلط وانى لازم ادافع عن نفسي بطريقه مناسبه للطرفين

الام : وهو العيل المفعوص ده هيفهم كلام الكتب بتاعكم 😏
ودى تفوتني يا ست الكل 🙈 كلامي معاكي دايما بمثال حي احنا بتوع العملي ملناش ف النظري😇
مبدئيا باخد طفلي واجيب دبدوب او عروسه لعبه اي حاجه المهم اقوله تخيل الدبدوب ده جاي يضربك هنعمل اي ؟
هنصد ايده بعيد عنك واعلمه حركات دفاعيه من كل الجهات يصد بيها الضربه فقط مش يمد ايده وهنا فرقي ياست الكل بالله عشان دول أطفال + كلمات تعزيز ثقه للولد عشان ميحسش انه ضعيف

⬅️طب لو انا ام الطفل اللي بيضرب زميله؟ 🙃
مبدئيا مش بتعصب ولا بضربه ولا بشتم انا بجيبه وتعبير وشي تبين انى مش قابله السلوك اللي صدر منه واقوله ان ده تصرف غلط مش مسموح بيه وهيبقى ف عقاب لكن هتاخد فرصه + هنفهمه ان ايدك دايما جمبك مش بتترفع على حد وربنا خلق ايدك عشان تاكل بيها وتشرب ..الخ مش نمدها على حد + أفهمه مبدأ الإعتذار لما يغلط ،احاول امثل بينه وبين اخواته نفس موقف الضرب وواحد بيعتذر للتاني.

⬅️الأطفال بتتعلم بالنمذجه والتقليد مافيش طفل مولود عدواني شيطاني عشان كده بنقلل مشاهده المصارعه واي كرتون فيه عنف ❌