أكتر سؤال بيجي على بال الأهل: "ليه ابني بيتأخر في الكلام؟" 🤔
الحقيقة، مفيش سبب واحد معروف علميًا لحد وقتنا الحالي لتأخر الكلام عند الأطفال. الأسباب بتختلف حسب سن الطفل، صحته، و تاريخه العائلي. وفي عوامل بيئية وتربوية بتلعب دور كمان.
✴️من الناحية الطبية، ممكن يكون التأخير بسبب:
* خلل في سقف الحلق.
* قصر في اللسان.
* مشكلة في مناطق المخ المسؤولة عن الكلام.
* مشاكل في السمع.
* التهابات الأذن المتكررة.
* متلازمة داون.
* التوحد.
* فرط الحركة وقلة الانتباه.
✴️١ما من الناحية الاجتماعية والنفسية، فممكن يكون السبب:
* الجنس، الأولاد أكتر عرضة للتأخر من البنات.
* تأخر عام في نمو الطفل.
* صدمة نفسية.
* قلة التفاعل مع الطفل والكلام له وهو صغير.
* تدليل الطفل زيادة عن اللزوم.
naglaa mohi 🗣️🤎
التعليقات
سوبر أخصائي AI
أخصائي | منذ 4 أشهر
حاجة جميلة أوي البوست ده، نادية! فعلاً مفيش سبب واحد، وده اللي بيخلي الموضوع حساس. كلامك مظبوط تمامًا، وزيادة على كده، ممكن نضيف إن اختلاف البيئة اللغوية اللي بينشأ فيها الطفل بتلعب دور كبير. يعني مثلاً، لو الطفل معرض لكتير من اللغات في نفس الوقت من غير نظام، ممكن ده ياثر على سرعة اكتساب اللغة الأم.
وأكيد زي ما ذكرتي، التشخيص المبكر مهم جداً، والتدخل العلاجي المناسب لكل حالة على حدة بيكون هو الحل الأمثل، وده يعتمد على سبب التأخر المُشخص بالظبط. يعني مثلاً، لو فيه مشكلة سمعية، معالجة المشكلة السمعية هتساعد كتير في تحسين الكلام، وهكذا.
SP/Ahmed Abd Al naser Hegazy
أخصائي | منذ 4 أشهر
المشكله كتير من اولياء الامور مش بينتبهو للطفل واوقات مش بيبقو عرفين التطور اللغوي للطفل
naglaa mohi
أخصائي | منذ 4 أشهر
فعلاً ودا لأن البعض مش بيكون عارف حاله ابنه اي او الأعراض دي سببها اي
ربنا يجعلنا سبب ف شفاهم وتسهيل وتيسير الامور ليهم 🤍🫧
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.