الصمت الاختياري عند الأطفال: الأسباب، العلامات، وكيفية التعامل معه

🧠 الصمت الاختياري عند الأطفال… مش عناد ! 🤫💬

كتير من الأهالي بيلاحظوا إن طفلهم بيتكلم طبيعي جدًا في البيت، لكن لما يروح المدرسة أو يكون وسط ناس غريبة… فجأة يسكت تمامًا!
الناس تبدأ تقول:
– “ده خجول أوي”
– “بيعمل كده عناد”
لكن الحقيقة… ده ممكن يكون اضطراب اسمه الصمت الاختياري.

📌 يعني إيه صمت اختياري؟
هو حالة نفسية بيكون الطفل فيها قادر على الكلام، لكن بيختار (أو بالأصح، بيضطر نفسيًا) إنه يسكت في مواقف أو أماكن معينة، غالبًا بسبب قلق أو خوف اجتماعي.

💡 أهم العلامات:

👈بيتكلم بطلاقة في البيت أو مع أشخاص معينين.

👈بيصمت تمامًا في المدرسة أو مع أشخاص لا يعرفهم.

👈ممكن يتواصل بالإيماءات أو الكتابة بدل الكلام.

👈الحالة دي تستمر لشهور ومش مجرد خجل مؤقت.

🚫 أخطاء شائعة مع الطفل:

❌الضغط عليه أو إحراجه قدام الناس.

❌وصفه بالعنيد أو الكسول.

❌المقارنة بينه وبين الأطفال التانيين.

💖 إيه اللي ممكن نعمله كأهالي ومعلمين؟

1. توفير بيئة آمنة وداعمة من غير ضغط.
2. التدرج في تشجيع الطفل على الكلام (بدءًا من مجموعات صغيرة).
3. العمل مع أخصائي تخاطب وأخصائي نفسي أطفال.
4. مدح أي محاولة للتواصل حتى لو كانت بإشارة أو كلمة واحدة.

📣 الصمت الاختياري محتاج فهم وصبر… الطفل مش بيختار يسكت لأنه عايز يضايقنا، هو محتاج وقت ودعم عشان صوته يطلع من قلبه قبل ما يطلع من فمه.