ازاي نعمل تفاعل اجتماعي مع طفل المتأخر فى الكلام ؟
بصي يا ماما هقول مثال حي بسيط تطبيقيه من غير كلام الأخصائيين المكلكع 💁‍♀️

⬅️هناخد البنوته او الولد مشوار لآخر الشارع وطول ما احنا ماشيين أشاور على كل حاجه واقول اسمها
بص ي حبيبي دى عربيه ،ودي عجله ،وده محل عصير وده عمو ودى طنط
استني استنى هنشتري اي؟ دى اسمها طماطم
يالا يا شاطر قول لعمو اذيك ياعمو
قول لعمو اتفضل الفلوس
قول لعمو شكرا
واخليه يعمل حوار مع أمه لا إله الا الله 😂💕عمو وطنط وكله حرفيا
وبكده هيترسخ عنده مهارات اجتماعيه كتيره بالتكرار واختلاف المواقف
استنيني ي ماما ف بوستات جديده ومشكله جديده😊