لما طفلك يبدأ يقول جمل متكاملة -أيًا كانت المرحلة العمرية اللي هيوصل فيها لده- خليك حريص بشدة إن الجمل دي تكون منها جمل تعبير عن المشاعر وليس فقط الاحتياجات..
إحنا بنهتم جدًا نعلم الأطفال يقولوا ، أنا جعان وأنا عطشان وأنا محتاج أدخل الحمام، وما شابه من احتياجات أساسية عشان نسهل لغة التواصل ما بيننا خصوصًا بعد فترة الطلاسم اللي قبل كده واللي كانت كل حاجة عايزينها تبقي عياط أو صريخ أو حاجات تانية نأسف عن ذكرها :D
ولكن الاستثمار الأهم هو إنك تخلي طفل يقول جمل تعبر عن مشاعره: ماما أنا زعلانة عشان إنتي بتزعقي دلوقتى... بابا أنا بحب أخرج معاك... ماما أنا مبسوطة عشان بلعب معاكي... بابا أنا خايفة من الصوت العالي ده...
وده مش بس عشان اللغة تبقي وسيلة تواصل بينك وبين طفلك أو كل اللي حواليه، وإنما ده بيخلي اللغة تبقي وسيلة تواصل بين طفلك ونفسه.. يقدر يعرف هو حاسس بإيه وبالتالي يتعامل مع الشعور بما يتناسب، مش يدفنه جوه روحه لحد ما يعمل مقبرة نفايات زي ما إحنا بنعمل في نفسنا...
علمه كمان إن الشعور هو لحظة، مش هو أنا، أنا خايف من كذا مش معناه إن أنا جبان، أنا زعلان من فلان مش معناه إني بكرهه، أنا بأحب فلان مش معناه إني لازم اكون معاه طول الوقت.. زي ما قصة ليلى بتقول (أنا كل الألوان، وأنا لست أيًا منها، فأنا لست مشاعري)
التعليقات
naglaa mohi
أخصائي | منذ 5 أشهر
بالتوفيق ي حبيبتي ❤️
Donia wael
أخصائي | منذ 5 أشهر
🤎🤎
SP/Hossam Hassan
أخصائي | منذ 4 أشهر
جميل جدا احسنتي النشر بارك الله فيكي وجزاكي الله خيرا ☺️
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.