التربية ملهاش كتالوج 👌🏻🌹
التربية ملهاش"كتالوج" نمشي عليه حرفيًا 📚، ولا في دستور ثابت يحل كل المشاكل أو يقدم الحلول السحرية.
مهما جربت طرق مختلفة أو قريت عن أساليب التربية المتنوعة, في النهاية كل طفل مختلف وكل مرحلة عمرية ليها تحدياتها الخاصة.
الحقيقة إن التربية هي رحلة مستمرة، مليانة تجارب وقرارات يومية بتبني شخصية أولادك. 🌱
لكن في بعض الأوقات، لازم نسأل نفسنا : هل بنفكر في كل خطوة بناخدها؟ 🤔 مش كل رد فعل هو الصح، ولا كل قرار لازم نكون واثقين فيه 100%. للأسف،
وبلاش نلوم بعض كاب وام وكل واحد يقول التاني مش قولتلك الطريقة دي ماتنفعش ؟ اتفضل حلها بقى ؟
لاننا لازم نقدر محاولات بعض ونعذر بعض لاننا فعلا بنجرب والاعتراف بالخطأ عمره ماينتقص منك وقتنا مع اولادنا اهم من المجادلات ومحاولة اثبات مين اللي كان صح !!
ما تهمش النتيجة النهائية قد ما تهم المحاولة المستمرة. اكيد ولادنا مش فئران تجارب 🐁 لكن احنا كمان مش معانا كل الحلول ، مش هنقدر نعرف الصح 🧐
مانخافش من التجربة لكن نستعد للتعديل والتقويم وتغيير المسار في اي وقت ؟ 👉
في النهاية، التربية ملهاش كتالوج. هي رحلة بنسافر فيها مع أولادنا، وكل خطوة بنتعلم فيها مع بعض. 🚶‍♂️ مهم نعرف إمتى نكون ثابتين وإمتى نكون مرنين، ونفهم قيمة كل محاولة وكل قرار. 💪💪