ابني لا يجيب على أسئلتي: دليل شامل لتعليم الطفل الإجابة

بحر الاسئلة
**ابني مش بيعرف يرد على اسئلة لية؟ ..انا متأكدة
انه مكسل و مش عاوز يرد
**الحقيقة هو مش فاهم معنى سؤال و طريقة الرد عليه
*
انتي لازم تدربيه ع كل اسئلة باشكلها
مش هيعرف هو حبيبي مش فاهم معنى سؤال اصلا
و دة من ضمن ترتيب شغل تخاطب
بعد ما يبدا يقول جمل تدخلي على اسئلة
و بحر اسئلة لا ينتهي و بيأخد وقت
استعيني بصور و كروت في اول
فيه كروت لأسئلة بالتريب
اية
فين
مين
لية
وهكذا
اسالي السؤال بنغمة و الاجابة بنغمة
ممكن فترة كمان يردد سؤال و ما يقولش اجابة ودة لانه مش فاهم سؤال وازاي يرد
و دي وظفتك تعلميه
هتبرمجيه على كل انواع اسئلة استفهام اكنك بترصي معلومات في النيش فوق بعضها
و هتغيري من شكل سؤال و صغيته لانه هتلاحظي بيحفظ اجابة
فهتغيري من صيغة سؤال (العربية بتمشي فين؟ في شارع ... مين بيمشي في شارع و بيعمل بيب بيب ؟ العربية)
يعرف c.v بتاعه اسمه و سنه و اسم بابي و مامي و اخته و نانا و ساكن فين و بابي و مامي بيتشغلوا اية و اسم حضانته اية و تيشير بتاعته اسمها اية
يعرف استخدام اشياء اللي حوله(اعمل اية بالمعلقة؟ اعمل اية بالمشط؟ كل حاجة حولكم)
*** تخلصي مجموعة اسئلة ب (اية) تدخلي على اللي بعدها
كل سؤال استفهام تشتغلي عليه لوحده و تركيزي
و تعممي في life style بتاعتنا و اسئلة حاجات في حياتنا
طولي بالك جدا في اسئلة بتأخد وقت