مساء الخير
انا ماما قبل ما اكون اخصائيه تخاطب
انا بعمل دراسات عليا حاليا ف التخاطب وتعديل السلوك بالرغم اني خريجه تجاره بس علشان اعرف اتعامل مع ابني
هو سناين و٨ شهور ماشاء الله ذكي ومخه كويس ولسانه مهذب وبظبطله كلامه علشان يبقي واضح بس مشكلتي معاه ف العنف احنا في البيت مفيش خناق بس خناقاتنا كلنا معاه هو بنزعق ع اي حاجه لانه ممكن يأذي نفسه وهو مولود عصبي جدا
بس كل ده قلب معاه بند قصادنا ومش بيخاف من اي تهديد حتي لو بسيط لدرجه ممكن اضربه ع ايده ضربه خفيفه علشان ابينله اني اقدر اضربه فهو يصمم يعيد نفس الغلط وكأن مش هامه وبحاول مزعقش واتعامل براحه
ووديته حضانه علشان يطلع طاقته كلهم بيشتكوا منه انه عنده عنف جسدي بيزق ويعض ويخرب ف الحاجه وبرضه كل ل بيكبر شويه بيخرب اكتر هنا ف البيت
انا محتاجه اعدل سلوك العنف ده بس مش عارفه اعمل ايه وابدأ منين
بدأت اني مزعقش واطبق الكلام النظري كله بس محتاجه حاجه واقعيه امشي عليها معاه لان النظري معاه محسنش اي نتيجه