★ما هو التأخر اللغوي ؟؟
هو أحد اضطرابات التواصل اللغوي عند الطفل .
بمعني تطور النمو اللغوي عند الطفل أقل من النمو اللغوي الطبيعي .
★ يعني ايه النمو اللغوي الطبيعي هو أن :
١– الطفل عنده سنه بيبدء يقول كلمة .
٢– الطفل عنده سنتين بيقول كلمتين .
٣– الطفل عنده ٣سنوات بيقول جملة مكونة من ٣كلمات .
٤– الطفل عنده ٤ سنوات بيقول جملة مكونة من ٤كلمات .
★ لو الطفل النمو اللغوي عنده مش زي النمو اللغوي الطبيعي يبقي الطفل دا عنده تأخر لغوي .
★ هو عدم تطور القدرات اللغوية عند الطفل.
★اسباب التأخر اللغوي :
١– السمع : ممكن يكون في مشكلة عند الطفل مثل ضعف السمع أو التهابات الاذن والام مش واخده بالها اصلا من النقطة دي ولكن نذهب لدكتور انف واذن وهو بيعمل مقياس سمع للطفل ويشوف المشكلة عنده لو في مشكله خاصه بالسمع الدكتور بيعالج الحالة وبعدها يحول الطفل الي اخصائي تخاطب ولو مفيش اي مشكلة بيحول الطفل لأخصائي تخاطب مباشرة .
٢– ممكن الطفل يبقي عنده طيف توحد والفئة دي بيبقي عندها تاخر لغوي .
٣– مشاكل نفسية : ممكن الطفل يكون اتعرض لصدمة نفسية أو مشكلة حصلت قدامه ادي الي فقد النطق فأصبح الطفل عنده تأخر لغوي .
٤– حدوث خلال في الدماغ في المنطقة المسؤولة عن الكلام .
٥– ممكن يكون من متلازمة داون بيكون عندهم تاخر لغوي .
وأسباب أخري كتير .
★ لو الطفل عدي ٣سنوات ومش عنده حصيلة لغوية أو الأم شايفة ابنها او بنتها متأخر وعنده تاخر لغوي يجب مباشرة إن حضرتك تعرضيه علي اخصائي تخاطب ونعمل اختبار اللغة للطفل ومن خلال النتيجة نضع خطة ونحقق كل هدف فيها .
★ والأمهات الي بتقول هنزل ابني حضانة وهيبقي يتكلم من خلالها دا اكبر غلط علشان الطفل صحابه الي في سنه عندهم حصيلة لغوية اكتر من الي عند ابن حضرتك وكمان متأخر لغويا فلازم الاول ياخد جلسات تخاطب ومن خلالها في تحسن والطفل اتحسن الاخصائي الي بيقول لحضرتك خلي الطفل يروح الحضانه مع تكملت الجلسات عادي .
★ نحاول بقدر الإمكان نقلل شاشات والموبيل خاصة لو اطفال صغيرة لسه مجبتش السنتين اصلا وفي الاخر الام تقول ابني أو بنتي مش بتتكلم فتحاول نلغي الموبيل نهائي .
★واهم حاجة التفاعل والتواصل دايما مع الطفل خلق بيئة تفاعل بينكم ويبقي في لغة حوار دا مهم جدا للطفل .