متى يحتاج طفلي إلى أخصائي تخاطب؟ دليل شامل لنمو اللغة

#امتى_ابني_يكون_محتاج_تخاطب؟؟

🟩نمو اللغة الطبيعي عند الطفل بيكون كالتالي....

1️⃣أولا التواصل عند الطفل بيكون من أول صرخة الولادة حتى الإنتباه والتواصل البصري و المناغاة " الطفل بيلاغي" و حتى البكاء للتعبير عن الجوع أو الألم أو الانزعاج من شئ و يبدأ يصدر أصوات ليس لها معنى.

2️⃣عند سنه الطفل يبدأ يقول كلمة واحدة زي: ماما، بابا، تيتا، قطه، اكل، موزة، افتح، وهكذا حتى لو نطقها مش صح ١٠٠٪ وغالبا الأهل بس اللي بيفهموه

3️⃣في سن سنتين يبدأ يقول جملة من كلمتين زي : بابا فين، أكل موز، هاتي لعبة، ماما بصي، حتى لو النطق في مشكلة برضه

4️⃣في سن ثلاث سنوات المفروض يبدأ يقول جملة من ٣ كلمات زي : ماما عايز اكل، انا شوفت قطة، بصي الشنطة بتاعتي، بابا راح الشغل، ماما عملت اكل، العب مع العروسة
يقول ٤ ل ٥ كلمات ف موقف معين

5️⃣بعد كده مع تقدم السن وحتى 6 سنوات يكون قادر الطفل على سرد موقف معين، سرد أحداث يومه، يحكي قصة قصيرة، بيقول جمل طويلة سليمه ومفهومة ومرتبة وصحيحة نحويا ولغويا

💠وكل دي مؤشرات نقدر من خلالها نلاحظ أطفالنا إذا كانت اللغة عندهم سليمة ولا فيها مشكلة و اذا شكينا بوجود مشكلة نتوجة لأخصائي التخاطب بعد التأكد من سلامة السمع وفحص المخ والأعصاب واللي يجزم لنا المشكلة دي ودرجاتها ايه هي اختبارات اللغة المخصصة لذلك، تقولنا الطفل ده متأخر ف اللغة بمقدار كام سنة و ايه الحاجات اللي محتاج يتدرب عليها عشان يتكلم زي الاطفال اللي ف نفس سنه.
#ملحوظة1 الدراسات اثبت صحة رؤية الجدات في إن المشي والتسنين قد يكون ليهم علاقة في تأخر اللغة بمقدار بعض الشهور لكن مش اكتر من كده.✳️

#ملحوظة2 عدم إصدار الطفل لاي صوت الا البكاء وعدم انتباهه للأصوات حوله مؤشر خطرررررررر لوجود مشكله ف السمع✳️

#ملحوظة3 الطفل لو عمره من 4 ل 5 سنوات وكلامه غير مفهوم وحصيلته اللغوية بعض الكلمات فقط ومبيعرفش يحكي حدث بطريقه مفهومة ف ده مؤشر ررررعب ويومين والطفل هينطق ويقولك انا والله متأخر ف الكلام ياماما ارجوكي اهتمي واكشفي😆