🎯أسئلة الأهالي الأكثر شيوعًا👈🏻
(1)طفلي عنده 3 سنين ولسه متكلمش ممكن استنى شوية وهيتكلم لوحده؟
الاجابه ان لو مفيش انتباه ولا تواصل بصري ولابيئه محفزه على الكلام او بيتساب للشاشات كتير ، مفيش حضانه، مفيش تفاعل مع طفل
يبقى اكيد لا طبعاً م هيتكلم لوحدو ولازم جلسات تخاطب

(2)إزاي أحفزه على الكلام؟
✅ خلي كل تفاعل ممتع، اسأليه أسئلة بسيطة، استخدمي ألعاب أو أغاني تشجعه على الكلام

(3)بيغلط في النطق كتير ده طبيعي؟
✅ طبيعي جدًا، المخ بيتعلم تدريجيًا، مهم الاستمرار في التعلم والتكرار.

(4)إزاي أعرف طفلي فاهم الكلام ولا لأ؟
✅ لاحظي ردود أفعاله: يتبع أوامر بسيطة، يلتفت عند نداء اسمه، يستخدم إشارات أو أصوات للتعبير عن حاجته.

(5)إزاي أعرف أشتغل مع طفلي في البيت؟
✅ ركزي على اللعب التفاعلي، التكرار، وتشجيع التواصل بأي طريقة: أصوات، إشارات، أو كلمات. استخدمي أشياء بسيطة من البيت زي الألعاب، الصور، أو أغاني قصيرة
وطبعا ف الجلسات ال بياخدها لازم الاخصائي يقول اشتغل ايه مع الطفل وازاي عشان تطبقي نفس الكلام معاه ف البيت عشان يساعدو ع التقدم اسرع

(6)طفل بيتحرك كتير ومش مركز ده طبيعي؟
✅ لو الطفل عمره صغير، ده طبيعي لكن لو الحركة مستمرة جدًا وبتأثر على تعلمه، ممكن استشارة أخصائي فرط الحركة وتشتت الانتباه.

ونكتفي بهذا القدر عشان البوست ميطولش اكتر من كداا ولو اي حد عندو سؤال يكتب ف الكومنتات 💗
ودي كانت م اخرر حلقات سلسلة تخاطب وان شاءلله ابدأ اتكلم ف حاجه جديدة تفيدكم♥

#تخاطب #جلسات_تخاطب #تنمية_مهارات #أطفال #تأخر_الكلام #لغة_الأطفال #تربية_الأبناء #تخاطب #تشخيص #تطوير_النطق #تأخر_الكلام #لغة_الأطفال #جلسات_تخاطب #SpeechTherapy #SpeechTherapyEgypt #SpeechLanguagePathology #SLP #Communication #ChildDevelopment #اطفال #أمهات #تربية #تواصل