الصمت العقابي
أحيانًا بيستخدم الأهل الصمت العقابي كوسيلة من وسائل التربية ولكنه في الحقيقة وسيلة أذي نفسي للطفل

لما الأهل يزعلوا من الطفل أول الطفل يعمل حاجه غلط يلجأوا للصمت والسكوت التام مبيبصوش ليه ، مايردوش عليه، وبيتجاهلوه كأنه مش موجود وبيكون هدفهم إن الطفل
- يحس بغلطه ويعتذر
- يراجع تصرفاته وسلوكياته
- وسيلة تأديب من غير عنف وصريخ
لكن الصمت العقابي مبيوصلش أي رسالة تربية أو تأديب بالعكس بيخلي الطفل يحس إنه:
- مش محبوب
- وجوده مش مهم
- إن أهله بيحبوه وبيكلموه وقت ما يكون كويس ومؤدب وبيسمع الكلام غير كده بيسحبو حبهم ليه
و المشاعر اللي جوه الطفل بتكون عبارة عن :
- إحساسه بالذنب
- بيشك في حب أهله ليه
- بيحاول يراضيهم علشان يكسب حب أهله تاني مش علشان هو فهم الصح من الغلط
- وممكن جدًا يتحول لشخص عدواني ، أناني ومبيعرفش يحب أو يتعلم الصمت والسكوت
طيب إيه الطرق البديلة للصمت العقابي
- نتكلم مع الطفل في غلطه
- نأكد على السلوكيات المرفوضة ونوضح إن اللي حصل مينفعش يتكرر
- نعلمه يصلح أخطاؤه
- نفهمه إننا بنحبه و مشكلتنا مش معاه ولكن مع سلوكياته الغلط
الطفل لسه في طور التعليم والإستكشاف محتاج يغلط ويتعلم من غلطه في بيئة آمنه وداعمة ومحفزة مش بيئة حرمان وقسوة